關於 鬼 大 晒 巴 屎 閉 ，我們在網路上蒐集到這些相關的討論、資訊與評價

［Buy now, pay later］BNPL，金融潮語。其實都潮咗大半年，不過香港咁上下啦。鬼媒講咗年幾兩年Content Creator，都未見香港有乜媒體專門整個beat

1. Buy now, pay later，「屌，咪即係花唄」「有幾撚有創意呀？我中華古已有之」「不過馬雲得罪人之嘛」。其實認真的，唔使括號，花唄都興咗N年，鬼佬而家先開心大現BNPL，完全係reinventing the wheel，不過記住講個英文縮寫就有人覺得好巴閉，Bullshit as a service，Baas．（話時話，Kyle Bass收咗皮未？港紙爆煲冇？）

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

2. OK，正經，「咪即係信用卡分期，有幾大發現呀？」。又唔係喎

3. 首先，香港人好撚有錢，同埋好有信用，香港人係好好嘅債仔，你見啲友真係斬人打劫呃同事呃老婆穿公司櫃桶底都會供樓的！

4. 當然，除咗香港人有錢，客觀亦因為香港丁屎咁細，你走得去邊？唔似美國或以前大陸（而家有晒監控另一回事），改個名換個車牌去第個城市又一條好漢。

5. 所以你見香港批信用卡成功率極高，私人貸款極易借，仲要供樓利息低。一個普通打工仔，一百幾十萬信用卡額絶對唔係難事。

6. 我想講嗰時我在英國讀書？出咗信用卡（開名啦，匯豐），500英鎊信用額。「喂你係學生冇收入點同，唔好偷換概念」。但你可以睇下普通一個香港大學生銀行批幾錢信用額畀佢？（＊）

7. 我知全世界都低息，係呀我唔知呀可？港息大約都跟美息，但，你見美國有冇可能一兩厘供樓？你有冇諗過，香港供樓銀行收你咁平息，賺乜？「cross selling」，「美國唔識cross selling呀？」（咁當然，再三留意返，香港人好撚有錢）。

8. 真相係，香港嘅delinquency rate （拋個英文好似專業啲）極低。即使咩亞洲金融風暴或沙士或乜，你睇報紙咩負資產又跳樓，但，個delinquency rate都係極低—come the 忽on，負資產不等於delinquent！死還死七孔流血還七孔流血！甚至跳樓都不等於delinquent！別傻了星矢，你還有老豆還有老婆！

9. 但認真，咁低嘅delinquency rate，銀行咪圍到數，所以點解香港銀行嘅net interest margin咁低都仲有錢賺。剛睇業績，中銀香港淨息差1.10%，你諗下仲要出糧仲要交租仲要預你啲友燒炭，但居然都仲係賺唔少錢，可見delinquency rate幾咁低。美國？你可以睇下2008嗰時，啲次按有幾多delinquent，求撚其掉低鎖匙就兩腳一伸走人foreclosure，而美國啲銀主盤邊有香港咁正，可以賣原價咁滯（大把銀行拍賣銀主盤有賺添）

10. 同樣原則，你可以應用落去信用卡，私人貸款。

11. 當然仲有，再講一次，香港人好撚有錢。我冇統計過有幾多巴仙嘅人有信用卡，你睇卡數目唔準，因為有啲好似我咁嘅仆街一條友十幾張卡（又如何？）。但，目測香港嘅信用卡滲透率極高，「我Patreon啲讀者好似全部有」（＊＊）

12. 講返，冇去過美國（係呀，我使唔使識整光刻機？ASML NVIDIA又新高啦屌你），但BNPL同信用卡，就真係唔係同一回事。可以係complement 亦可以係substitute （＊＊＊）

13. Patreon會寫，有啲人只用信用卡，有啲人只用BNPL，有啲兩樣一齊。但，咩人係傾向用BNPL？你估到了：非白人（Hispanic或黑人），低收入人士，同埋……年青人，

14. 拿，學嘢？呢啲就學嘢啦。

15. 不過，「不如講返冧把」，Affirm就升五成啦，一舊水咁滯。「但2月嗰時140蚊」，而家先返返年頭水平，你買隻垃圾中移動941跑贏佢一截。估值都係好重要的。

16. 最重要係，Amazon雖然同Affirm合作，但冇話exclusive 喎。Amazon嘅作風啦喎，就行內皆知了，你做過佢對家都知。

17. 至於其他Fintech嘢？韓國嘅KaKao Bank，一上市大過晒韓國所有銀行嘅市值添，亦令呀大股東變咗富豪，同啲財閥平起平坐。你諗下，韓國喎，幾不可思議？

18. 香港？有！「咪螞蟻金服」，嗰時上市成功嘅，肯定大過晒所有銀行，分分鐘係全世界最大嘅金融股（而全世界最大嘅銀融股唔係銀行啦下）。

（＊）話時話，我好想知道，到底唔同大學甚至唔同科嘅學生，信用額會唔會唔同？拿，醒你呀，拎去做final year project啦。理論上呢，「好似醫科生應該信用額高啲」「你點折墮點包尾做個醫管局非合約都五六七皮啦」。不過我估實際上銀行don’t care，同埋費事你話歧視。不過，「如果見到係唔同大學唔同信用額仲好玩」「我覺得教大應該高啲」。同埋，如果真係。拿，真係醒你呀，認真少少拎嚟做MSc dissertation都得（MPhil PhD就未咁求其），「至少認真過我嗰份」又，我份dissertation真係相當垃圾，但我都don’t care，因為我換得去倫敦結算所實習嘅機會，雖然真係坐嗰邊只係幾日。

（＊＊）呢度示範咩係survivorship bias．冇信用卡又點訂你Patreon呢大哥。「其實可以用Paypal」「但冇信用卡又點有Paypal呢老細」「其實係得的」

（＊＊＊）有啲人讀經濟就讀死書，以為A同B一係complement 一係substitute，或者兩者之間 0-1。錯，同樣兩樣嘢，唔同情況下，可以係complement亦可以係substitute．例如？你一拖二咪知！「你有本事可以搞到變complement的」「重口味啲嘅，老婆同外婆都得」

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

#婊揚好人好事

香港老師也移民 呢啲咪叫智將囉… 我Patreon啲錢全部捐前線架，上年捐左十二萬，今年捐左兩三萬呀，又話自己係我fans？我捐錢嗰陣你去左幫隻狗執屎呀？

我話你知，由尋日開始幾個鬼account黎話我「害我個好朋友個老公」時，我已經知道係你（個好朋友）啦，只係諗住看破不說破，我講完就算，點知你要自己貼自己堂，我真係幫你唔到。

好啦，臉係人地俾，假係自己丟，那我也放開手腳說了。

首先，你話我驚你黎爭我啖飯食？好好笑，你憑咩爭我啖飯食？我話俾你知，我份工就算我唔做放返出黎，你都唔會有本事做，我唔食難道代表你有本事食咩？我一個好好地有份工嘅人，怕咩俾一個剛剛搬來連煲水咩味嘅人去搶囉，請你有乜好？我地公司乜要請security guard 逐層樓掃下有沒有偷聽器咩？

老師好巴閉咩？我都港大中文教育學士畢業架！你識嘅我都識，你唔識嘅我比你識更多囉好冇？英國冇人需要學通識，但一定仲有人請緊中文教師，我要返去教書好容易，你呢？憑你要爭我啖飯食？我怕你interview都冇機會ja… 講香港老師也移民，我早你N年移左民啦，我移民嗰陣你在中學做緊教畜ja… 咁我係咪要企道德高地話晒香港啲老師全部係貪戀人工，幫暴政洗腦呀？係嘅話我有資格第一個指住你鬧你教畜、誤人子弟啦，一時唔偷雞就學人做保長，道德高地企咁高因住跌死呀，我都未出聲你講咩姐？

仲有，你有幾高尚姐？你老公（係呀，我依家害你老公啦）做左公務員咁多年有成七位數字MPF，香港政府搞成咁，呢啲狗官責無旁貸！雪崩時沒有一片雪花是無辜的。咁不滿暴政點解唔兩年前就劈炮即走，仲要拖拖拉拉 #收港共政權糧俸，吃飽吃滿先施施然「我真係好愛香港」咁樣走？大佬，食人血饅頭嘅我見得多，自己食完上岸華麗轉身再向苦海浮沉緊嘅人亂槍掃射，這是什麼吃相什麼餐桌禮儀？！

最後，我無講錯架wo… 你叫樓下個看更移民，喂大佬一睇就知呢啲case去英國九死一生架啦，你明知對方無能力移民仲叫人去移，一係你黑心，一係你根本show off—— 陳伯我移民、去投奔自由啦，香港就快無晒自由變集中營架啦，然後望住對方一臉羨慕的樣子的離去。

你望下你自己講咩？坐business 黎英國、做test 洗五千、賣香港樓、老公「放棄」七位數字mpf （講到好似入籍後唔會拎返咁）一堆接一堆，根本就是隱隱約約透露著那種梵爾賽中產優越感，也根本沒什麼生活壓力可言，但同一時間卻鼓勵一啲無能力黎嘅人到英國，由你去講「有手有腳唔會餓死」真係侮辱緊所有落手落腳嘅基層人民。

我以為自己都算乞人僧兼不受歡迎架啦，人移民你移民，可以移到神憎鬼厭，個個page都覺得你唔妥嘅，我相信只此一家。

我寫你起碼係在我patroon寫，我向我讀者負責，那不是「靜靜雞講人壞話」，那是光明正大的跟我付費讀者們「導賞珍禽異獸」。至於你用一堆假account話我咩 #害我好朋友個老公 ，那才是真正的閃閃縮縮，咁嘅邏輯仲學人教通識？係咪女人就可以閃閃縮縮開假account騷擾人？喂大佬，好心啦，黎到英國第一樣野：係兩性平權，你呢啲說話真係好缺乏常識囉。

#同我鬧交你真係仲差十年
#我唔係念在你疑似精神病我一早擺上黎婊揚你好人好事啦
#三分顏色上大紅
#真係好好笑架
#仲有我對你老公零興趣
#咁BadTaste嘅男人仲要係做過多年公務員嘅港共政權幫兇
#只有狗先會同佢交配
#寫文鬧交呢係唔駛靠粗口爛舌嘅
#越多粗口只代表詞彙缺乏
#有時間睇多兩本中文書承傳好粵語先好同我講香港人加油啦

［奧斯卡？Who cares］唔係我講架。但我真係想知，有邊位係真係會睇的？定上Twitter Facebook碌下就當係？又或者，到底邊位睇咗Mank？
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

Economist 原文： And the winner is…who cares? （https://bityl.co/6XCp）

TLDR：碎片化分眾化個人化啦，大家各自睇自己嘅戲，自己嘅PlayList，仲有人理「專家」講乜？班友推埋啲戲都冇人睇過嘅！（推完亦冇乜人會去睇）

1. 唔好講咩影迷影癡（＊），但本人都算係「電影愛好者」。除咗係「港片之鬼」，普世價值（好似係）嘅奧斯卡我都年年留意，舊年有寫過，早早貼中「上流寄生族」可以拎最佳電影—原因只係我平時睇啲鬼媒多，知嗰啲友嘅口味評語。

2. 之但係，今屆奧斯卡，看點在邊呢？固然香港人可能多幾個看點（總係搵得到嘅，嘻）。首先係無線唔播—但，天地良心，佢播你會睇？或者第間播你會睇？其實有邊位係會睇三粒鐘架呢？下年我當Viu台或乜拎嚟播，你估你會唔會睇？本人就早早已經唔睇，只係睇Twitter

3. 咁另外，「不割席」入圍紀錄短片五強嘛（暫時唔係賭率熱門，不過一來咬得緊，二來呢啲獎嘅賠率…..有冇代表性？）。同埋，可能睇下趙婷「浪跡天地」攞獎（最佳導演同最佳電影都極之熱門）會講乜，然後又一大堆口水戰咁。

4. 冇啦，係咁多。天地良心，今屆最多提名嘅係《曼克》Mank。邊位睇過？我就冇啦。NetFlix有，but again，邊位睇咗？Citizen Kane我估你都冇睇，你仲要睇套講Citizen Kane編劇嘅戲？

5. 如無意外呢，今年奧斯卡頒獎禮嘅收視，可以再突破新低。你見之前格林美同艾美獎都係新低，甚至得往年一半收視。所以呢，你係電視台，你播唔播？

6. 固然可以講同疫情有關，往年各種東西開拍錄音都難，大家都睇少好多戲，但明顯地呢個趨勢近幾年都係咁，唔好拎疫情嚟開脫。

7. 亦有個講法話，而家啲友都唔睇電視啦（我的確唔睇多年，乜台都唔睇）。呢啲咁嘅群星拱照節目，不如睇明星自己嘅Instagram 好過。之但係，即使在網上，無論係討論定search，都係不停咁跌嘅。直接啲講，奧斯卡格林美艾美呢啲，齊齊變晒冇乜人care嘅東西了。So sad

8. 有個講法話啲評判離地，脫離咗大眾口味，可能係吧。但相當過癮地，好似都係一兩年前（甚至而家仲係），一大班人就奧斯卡只係代表啲白人老嘢嘅傳統保守價值，so white．但另一方面，又係呢一兩年，又一大班人鬧奧斯卡左膠大愛（實情，過去N咁多年荷李活都係左傾的，你剛火星偷渡嚟？）

9. 畀你見到嘅係，而家啲觀眾好難服侍，基本上頒獎都係可以收檔。可能真係要玩票選，大家上網鬥拉票屌票有存在感就好啦。專家？食屎啦。乜撚嘢呀，睇好多戲好叻呀？拍過戲好叻呀？我夠冇踢過波就唔可以鬧美斯屎波？

10. 而客觀地講，我都係嗰個問題，話自己有睇嗰啲，借問聲，三個鐘你睇咗幾多分鐘（咁，當然唔使睇晒三個鐘先叫有睇，但睇咗幾多先叫有睇呢，就好深）（＊＊）？

11. 我估你都係睇嗰幾個大獎吧，即係可能睇住趙婷幾時出嚟講嘢，或者「不割席」有冇獎，「或者係曾國祥拎奧斯卡呢」（暫時大冷門），頂多睇男女主角男女配角導演最佳影片，當你睇埋劇本同外語片，冇了。

12. 亦即係，大家心照，明顯有啲獎大家覺得「冇咁重要」。但又冇計，你總不能大細超唔畀人講嘢，甚至cut走佢。雖然大家都知真係有啲獎「冇咁重要」。證據？每年最後頒乜獎丫？你唔見最後會頒最佳化妝？一係下年random咁頒丫。人性虛偽又一例證，根本你知我知啲獎唔係「一樣咁重要」。

13. 事實上，之所以冇人聽奧斯卡支笛，最大原因係分眾化，碎片化，仲有社交網絡令你言論民主化，人人係專家。NASA scientist says Mars is probably uninhabited; Professor Snooks says it is teeming with aliens. It’s really a matter of opinion. - 正所謂 my ignorance is just as good as your knowledge 。品味呢啲野好主觀既，唔好咁獨裁，點解你講一定啱？

14. 而你諗下，大家N咁多電視channel，仲同時有咁多串流，仲可以同時睇 Youtube，TikTok，選擇係幾咁之多。點會返到去以前人人一齊睇 港姐總決賽 上海灘（OK，近少少嘅，溏心風暴）咁？

15. 而家睇嘅嘢，人人唔同。冇錯，可能我又睇Promising Young Women（最佳女主角大熱）（＊＊＊），我見FB啲朋友又睇，但只係大家圍爐啫，只係平時大家口味近，朱生咪推佢地啲Post畀我。根本個社會上一大班人都唔會睇。唔信嘅你去睇下，堆 最佳電影 最佳男女主角之類，你睇咗幾多套（而啲友可以五套睇咗一套，甚至一套都冇睇，都出嚟評，真係十分好嘢，完全係紙上談兵）

16. 唔好睇少社交媒體呢樣嘢，除咗係朋友圍爐圍威喂，自己幾條友睇就以為全世界都好多人睇外，仲有就係Personalize recommendation 同 algorithm，根本而家啲友就係靠呢啲嘢，「猜你喜歡」，since you watched「金都」就推套吉澤明步畀你（拍咗好多年戲的說，由細睇到大），多過信咩專家推介。

17. 最後，作為一個算係講財經嘅專頁，當然係講錢。大家都知，呢啲獎對生意幾有幫助。兩種，第一種係對NetFlix之類嘅後起之秀，舊年都寫過，NetFlix洗好多好多好多錢去衝奧斯卡。你唔覺得奇？明明佢好似係顛覆者，做乜要玩主流遊戲？其實根本兩者互相同化，余春嬌又變咗張志明咁。NetFlix衝呢啲獎，先更加畀人覺佢係一間「似樣」嘅片廠，先搵到明星同幕後同佢一路玩（後來爆出個肺炎就天助佢也，後話）

18. 但更重要嘅，當然係對票房嘅影響。呢個就有點複雜，要講多兩句。離題講下香港，疫情前大家都知好多時啲戲，鍾意年尾忽然上幾場咁，就係為咗金像獎入圍資格。但亦因為拎到獎你啲友先會去睇，幫助好大的—不過，呢個主要係啲「細片」更重要，即係你「淪落人」梗要靠呢啲，但「無雙」「P風暴」之類（先不講爛唔爛），使鬼理呢啲嘢。

19. 奧斯卡情況都有啲似。佢對票房嘅影響，而家其實都唔細—但因為個基數太低！講白啲，因為佢地而家專門揀啲極小眾嘅戲（「小眾」指票房或上映銀幕，客觀嘢，同質素冇必然關係）。例如舊年「上流寄生族」，拎咗獎，美國咪上多咗好多正場咯。如果唔係？好快就收檔。

20. 之但係，如果你話係以為拎完奧斯卡，套戲就好賣座，就肯定唔係嗰回事。1980-2003年嘅奧斯卡最佳電影，差不多套套都係十大票房（例如阿甘正傳，鐵達尼號之類）。之後嗰十幾廿年呢，冇一套係十大票房（Of Note，有人話個轉捩點就係2005年嘅「撞車」）

21. 固然其中一個原因，亦係超級英雄片冒起變成票房保證，而奧斯卡咁多年都冇乜興趣。之但係，啲口味越嚟越偏，亦係原因。近十套呢，得三套入到五十大票房（而我居然睇晒！其實近三十年最佳電影我都睇晒），最近呢兩套？綠薄旅友（Green Book）同上流寄生族，勉強係頭一百咋。就難免畀人覺得離地孤芳自賞了。

22. 但無論如何，都係時代改變，返唔到轉頭的。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

（＊）雖然我買過電影節「影癡通行證」，好似好巴閉好有文化講，講穿咗只係嗰時有錢冇時間，根本好多時嗰日先知咩時間得閒，咪見邊套想睇就去睇。本質上同鹹片老友鬼鬼全日任睇差不多

（＊＊）我諗起證監CPT或者金融機構啲反洗錢乜乜培訓啲片，迫你睇晒九成先可以答問題。Idle得耐又唔計，十分之咁「發條橙」，爭在未你一分心就電鳩你。

（＊＊＊）香港譯名「超犀女王」真係犀到一個點。又，得罪講句，呀女主角殘到阿嬋咁，仲Promising Young Woman？最後扮護士，我不如睇丁太好過。結果我忍唔住返屋企上NetFlix睇多次 「色辱」（Shame），十年前就Promising好多，露三點添。

【塊面滑過燉蛋唔好問點解！強效修復皮膚問題嘅水母爽膚水！】
moclinical® Jellyfish Peptide Oxygen Toner 水母勝肽幹細胞青春定格亮白水氧活膚水 250ml

事源瘋瘋比果首PPAP煩到黑都面埋，冇晒光澤！毛孔仲粗大咗添呀diudiu！廢話少講，老子最近因為搞新project而忙到褲甩，冇時間敷媽屎搞返smooth件事！冇返教會嘅我，連祈求天父做十分鐘好人都出埋，但塊面都係未滑返架嗚哇！


I have a Jelly！I have a Fish！Uhhh～Jellyfish！已經痴9咗線嘅我，見到之前未出post先斷貨嘅moclinical®水母活膚水終於補咗貨，二話不說立馬拆支嚟自私用！


呢支水母活膚水到底有什麼鬼咁巴閉，未介紹先斷貨咁串呢？大家先睇睇佢全名，「moclinical®水母勝肽幹細胞青春定格亮白水氧活膚水」... 足足成支牙籤咁長！想讀爆人地個肺咩？經過瘋瘋測試咗一星期之後，發現阿水母活膚水代理，應該係覺得佢每一粒字都代表到水母強勁分唇，先堅持改個水母春咁長嘅中文名！（應該係，除非唔係）


眾所9知，水母彈性度奇高，事關佢個波dee有95%以上都係水份，其他就由蛋白質同脂質構成！所以佢絕對係一個補充肌膚水份，延緩衰老以及增加皮膚彈性嘅妙品！而呢款來自美帝嘅moclinical®水母活膚水含有水母勝肽萃取，能夠短時間內喺肌膚表層形成一層緊致網膜，立即為皮膚啟動提拉模式，修復幼效及瑕疵，令肌膚更bling bling更光澤！


瘋瘋最buy係水母水嘅活膚粒子極細，將水份禁錮式咁鎖喺肌底！重建細胞之間嘅緊密度，提升肌膚含水量，調節油脂分泌，收細毛孔，保持肌膚健康水潤狀態！而且仲可以修復受損細胞，回復肌膚自我更新能力！而多一個且，此產品無添加Paraben羥基苯甲酸酯及其他有害化學成分，100%純天然高科技成分製造，對皮膚零負擔！特別適合做完醫學美容療程之後使用！


不瞞你說，老子上星期堅系食物敏感塊面出咗啲紅疹，由於醫生開嘅藥膏都相當乾下，我搽咗一晚已經放棄咗！食佢啲敏感藥又搞到皮膚乾到甩皮... 真係喊出嚟咁無奈！我呢個星期係用moclinical®水母活膚水+Viscontour®救命水+moclinical®水母面膜，啲紅疹因為敏感藥同moclinical®嘅幫助都退咗9成！依家塊面雖然仲有少少泛紅，但已經回復燉蛋咁滑！估唔到水母都可以咁玩法，失敬失敬！

http://www.facebook.com/lamfungfrances
http://www.facebook.com/tagconcept